இலங்கையில் களுவாஞ்சிகுடி

ஆசியக் கண்டத்தில் அரும் பெரும் தீவு
பேசுதற்கினிய பெருவள இலங்கை
முடி மன்னர் ஆண்ட முதிசச் சொத்து
குடி மக்கள் ஆளும் குடியரசு நாட்டில்
வங்கக் கடல்தான் வாழ்த்தொலி பரப்ப
சங்கத் தமிழ்தான் தான் நின்றிலங்கும்
கிழக்கெனக் கூறும் கிழக்கு மாகாணத்தில்
வழக்குகள் மாறா வழி வழி நடக்கும்
பட்டணமான பழம் பெரும் பதியாம்
மட்டக்களப்பு மாநகர் தனிலே


வித்தக ஆசான் விபுலானந்தன்
முத்தென ஆய்ந்த முறைகளில் ஒன்றும்
வான் பருந்து அள்ளி வளங்கொழிக்கின்ற
மீன் இசை பாடும் மட்டு நல் வாவி
தெற்கு நோக்கிச் செல்லுமிடத்தில்
கற்ற்வர் நிறைந்த களுவாஞ்சிகுடிதான்
கல் பதினாறாம் கட்டையில் உள்ள
நெல் வயல் நிறைந்த நீர் நிலையூராம்
பட்டிகள் பெருகி பால் தயிர் பெருகும்
பட்டிருப்புத் தொகுதியின் கேந்திர நிலையம்


~நன்றி ~

கலைச் செம்மல்,
மரபுக் கலை வேந்தன்,
விஷவைத்தியர்,
கலாபூஷணம் 
திரு.இரா.அரசகேசரி